Transmisoras no tempo: Os xogos do pasado

Durante este trimestre, e grazas as nosas transmisoras no tempo coñecimos moitos xogos, e xeitos de comunicarse coas persoas de lonxe: traballamos o correo postal, as partes dunha carta, os enderezos, ubicamos no mapa o noso lugar e a onde iamos mandar as cartas; coñecimos á carteira do barrio Rosalía, limos contos relacionados. Coñecimos as partes dunha carta e a  ESCRIBIMOS. Agora esperamos as respostas... 

Coñecimos as idades das nosas transmisoras e ubicámolas na táboa do 100, compoñendo números, contando, comparando....

Xogamos moito, e grazas a Llere, a nosa profe de prácticas, coñecimos o cadro "Xogos Infantís" de Pieter Bruegel. Fixemos unha listaxe dos xogos das nosas avoas e unha guía visual de algún deles. 

Entrevistamos as nosas avoas; xogamos as chapas, petancas, goma, comba, mariola, tres navíos, 4 esquinitas....Elaboramos tabas; aprendimos a xogar en equipo, a compartir e esperar quendas de xogo.

Pechamos o traballo do  trimestre elaborando un títular que resume a esencia do traballado durante o mesmo.

Unha creación artística coas letras como protagonistas para conformar a portada da colección dos xogos que fomos coñecendo grazas as nosas Transmisoras do tempo.

E CELEBRAMOS todo o aprendido cunha saída ao Campo da Chave da  nosa vila.

Pero atención!! Unha última carta está por chegar!

#amáquinadotempo: A CORRESPONDENCIA

 Na aula azul estamos descubrindo a correspondecia! 

Eleximos a quen queremos escribir, traballamos os lugares no mapa, o enderezo, o remite e o remitente, o saúdo, a despedida e a sinatura. A carta como tipo de texto, e a aprendizaxe da lectoescritura de xeito significativo.

BIBLIOTECA ESCOLAR + DESEÑO = VIAXE Á CREATIVIDADE

 Desde bibliotecas escolares lanzan unha proposta creativa a través do deseño que acompaña desde o inicio a comunicación escrita, que é orixe de tipografías, logotipos e páxinas, que consegue achegar a información da maneira máis impactante ou máis sutil.

Por iso no ámbito de aprendizaxe adicado á arte e a lectoescritura acabamos de inaugurar o "ABC lab". Onde experimentaremos cos carteis propostos de diferentes tipografías de letras para despois crear as nosas propias..

Taller Tic curso 22-23: Agasallos 3d

Tal e coma recolle o currículum de Educación Infantil, nesta etapa, iniciase o proceso de alfabetización dixital que supón, entre outros, o acceso a información, a comunicación e a creación de contidos a través de medios dixitais, así coma o uso saudable e responsable das ferramentas dixitais. Ademáis, o uso e a integración destas ferramentas nas actividades, experiencias e materiais da aula poden contribuir a aumentar a motivación, a comprensión e o progreso na adquisición de aprendizaxes das nenas e dos nenos.

Tendo isto en conta, e apoiando dende o Taller Tic o aprendizaxe da lectoescritura, dun xeito significativo e motivador, estivemos a realizar as nosas letras con diferentes programas para imprimilas despois na nosa impresora 3D.

Este é o resultado en cada aula

Aula de 3 anos: ESCRIBIMOS A NOSA INICIAL

Aula de 4 anos: ESCRIBIMOS O NOSO NOME EN MAIÚSCULA

Aula de 5 anos: ESCRIBIMOS O NOSO NOME EN MINÚSCULA

 E así é o proceso...