No mes das letras… As familias contan EN GALEGO!

 

Letras Galegas 2026: Scape room

PREME NA IMAXE PARA VER TODA Á ACTIVIDADE

As familias contan… EN GALEGO!

 E no mes de Maio, as familias contan… En Galego!

Agasallo 3D pola mes das letras galegas adicado as cantareiras

 

Encontros BN: Celebrando as letras con Ana Edreira

Hoxe na biblioBN conmemoramos o Día das Letras Galegas co obradoiro "As cantareiras" a cargo de Ana Edreira, directora das pandereteiras de Xacarandaina e nai dun antiguo alumno da nosa escola.

 

Grazas a ela puidemos coñecer un pouquiño máis sobre as homenaxeadas nas Letras Galegas 2025 e compartimos algunhas tradicións galegas (coplas, instrumentos, bailes...).

Moitas grazas Ana!  

As familias contan: Familia de Erea

 “TRES OSOS”

Nunha cabana do bosque vivían tres osos. Un día os osos saíron dar un paseo antes de almorzaren; entón Riciños de Ouro atopou a casa baleira e entrou…

GRAZAS FAMILIA!

Guía de Lectura “Para cantar e bailar”

 

As familias contan: Familia de Andrea

 “PACO”

A familia de Andrea contou a historia de Paco, Un ratiño entrañable vai á Lúa. E pronto saberemos que a Lúa non é de queixo fresco, pero si moi tenra.

GRAZAS FAMILIA!

Mes das letras: Ven a ler… EN GALEGO!

 

Mes das Artes Galegas

Durante o mes de Abril coñecemos o arte de Sargadelos e a Isaac Díaz Pardo

Despois elaboramos a nosa propia vaixela de Sargadelos

 

LETRAS GALEGAS 24: ALMA DE VIOLINO

O xoves día 16 conmemoramos o Día das Letras Galegas con diferentes actividades.

Recibimos na biblioBN  a Alma, compañeira de Luísa Villalta, quen saíu do violino para contarnos moitas cousiñas da vida da autora homenaxeada.

Como despedida, despois de meterse no violino de novo, Alma deixounos unha nube de pompas de xabrón.

Baseámonos no libro "Alma de violino" de Beatriz Maceda e Eli Ríos.

Despois empregamos a nosas palabras favoritas en lingua galega, elixidas na casa coas nosas familias, para completar o mural co skyline da cidade de A Coruña e os seus monumentos máis relevantes.

Por outra banda, nas aulas tamén traballamos con estas palabras para facer creacións poéticas como a que podedes ver no seguinte vídeo.

Para finalizar o día, levamos para casa unha lingua feita coa impresora 3D e un código QR que enlaza á páxina do blogue do EDLG na que se atopa o repositorio de todas as cantigas en lingua galega empregadas nos calendarios deste curso. 

http://barrionovofalagalego.blogspot.com/p/barrionovo-canta-en-galego.html

As familias contan: O paseo de Rosalía

 Nunca un paseo foi á vez tan pracenteiro e tan arriscado. Cruzando a granxa, un raposo axexa a galiña Rosalía pero, tan torpe e desafortunado, que todos, menos os propios protagonistas, riremos con tantas peripecias..

Grazas a mamá de Lara por este divertido conto que nos trouxo a BiblioBn.

GRAZAS FAMILIA!

As familias contan no Mes das Letras

Ao escoitar os gritos da señora Xulia, Benita ergueuse; pero, ao empezar a camiñar, descobre que non soa o clinclín, e decátase de que perdeu o cascabel. Así comeza esta divertida historia de Pablo Albo, quen nos fai partícipes da procura apresurada do cascabel por parte desta gata tenra que teme quedarse sen sardiñas por mor deste extravío.

Este foi o conto escollido pola familia de Marina para desfrutar del na BiblioBN.

GRAZAS FAMILIA!

Recordade que podedes levalos en préstamo nas tardes de luns en familia.

 

As familias contan pero en Maio…EN GALEGO

Dous animais atópanse, xogan, enfádanse, sepáranse, bótanse de menos… e volven xogar.Na idade infantil é moi común vivir conflitos entre amigos e frustracións derivadas das relacións. Do mesmo xeito que sucede co can e o gato, as emocións van acompañadas de reaccións e expresións do corpo: alteracións na circulación, cambios respiratorios, secrecións glandulares, mudanzas de humor…

 Os cambios impostos polo desenvolvemento da personalidade, o crecemento, a socialización e a conquista de espazos de independencia son factores que desestabilizan e dan lugar a enfados e comportamentos negativos; de aí a importancia de buscar mecanismos para controlar a situación, esquecer o mal humor e fomentar a alegría, o autocontrol e o benestar.

 Esta sinxela historia da relación entre un can e un gato axuda a proxectar situacións conflitivas na mente dos nenos e a comparalas, consciente ou inconscientemente, con outras experiencias emocionais. Igual que nesta historia, a ledicia e a aceptación dos outros fannos sentir agarimo e converten o mal humor en optimismo.

Esta magnífica e sinxela historia foi a elexida por Julia e Adriana para contarnos neste mes das letras.

GRAZAS FAMILIA!

 

 

As familias contan: Volcán

 Na illa de Sállvora vive Volcánn, o cabalo máis salvaxe de todos os que viven alá. Un día Volcán viu algo que flotaba na agua e comezou a correr. Correu ao galope, máis que nunca, e os outros cabalos, eguas, gaivotas e corvos quedaban sen alento vendo o que facía.Unha divertida historia para coñecer un pouco máis a fauna e a flora das Illas Atlánticas a travéss da historia de Volcán, un valente cabalo que soña que é libre para correr ao galope sen límites por terras onde acontecen cousas extraordinarias

Este conto foi o escollido por Idris e a súa nai para contarnos na biblioteca este mes das letras.

GRAZAS FAMILIA!

Mes das Letras: Nai de Noa

A Nai de Noa leunos “Boas noites a todos” de nubeocho ediciones

Case quedamos tod@s a durmir!

Grazas familias por compartir a lectura connosco!

 

 

Mes das letras: Nai de Marina

O venres, da man de Pilar, mamá de Marina, disfrutamos do conto Paco Papán

Grazas familia por crear recordos na nosa escola

 

Semana das letras Galegas: As cousas de Don Paco

 Así foi a Semana das Letras Galegas levada a cabo polo noso Equipo de Dinamización da Lingua Galega 

Para comezar a xornada do martes contamos coa visita do noso Don Paco particular quen nos agasallou cunha fermosa poesía express de Manuel María titulada "Galicia".

A continuación, fomos subindo á biblioBN en equipos mixtos para descubrir "As cousas de Don Paco", as cales estaban agochadas en 5 caixas coas súas respectivas adiviñas. Os nenos e nenas maiores foron lendo as adiviñas e, entre todos, tentamos descifrar o obxecto escondido.

Unha vez resolto o acertixo, explicamos a historia de cada obxecto (lapis, reloxo, lupa, máquina de escribir e cámara fotográfica) e a importancia do mesmo na vida de Don Paco.

Como agasallo por ter superado este reto, conseguimos as lentes de Don Paco e fixemos unhas fotos con elas para levalas para casa como recordo deste día tan especial.

Para facer esta actividade baseámonos na obra teatral creada por Eva Mejuto e ilustrada por Lucía Cobo para a Real Academia Galega en  primaveradasletras.gal

Mes das letras: Pai de Alejandro

Hoxe, o papá de Ale, visitou a nosa biblio para seguir festexando o mes das letras, e de que mellor xeito que cun conto en galego “Unha cor propia”

Grazas Familia!

 

Mes das letras: Nai de Leo

A Nai de Leo leu “Once damas atrevidas” de Kalandraka

Grazas Romina por vir a ler a nosa biblio e formar da nosa escola