PRODUTO FINAL PDI: A CÁPSULA DO TEMPO

 Rematamos o curso cunha xornada no Monticaño, onde pechamos a nosa cápsula do tempo.

-Espiral do aprendido no curso 25-26

-Alumnos e alumnas do curso 25-26

-Foto de alumnas de 1972

-Conto ilustrado no curos 25-26

- Xornal do 19 de Xuño de 2026.

XOGOS TRADICIONAIS EN FAMILIA

 Onte puidemos desfrutar da recompensa obtida no Escape Room das Letras Galegas: unha xornada de xogos en familia no pavillón de Galán.

A empresa galega Velaísca encargouse de organizalo todo para que crianzas e familias só tiveran que preocuparse de gozar xogando xuntas.

Xogos tradicionais galegos elaborados por artesáns de Chantada como: os birlos, os ovos, a ponte, os sacos... cos que puxemos a proba as nosas habilidades e pasamos unha mañá moi divertida.

Moitísimas grazas pola vosa participación, familias!

Transmisoras no tempo: Os xogos do pasado

Durante este trimestre, e grazas as nosas transmisoras no tempo coñecimos moitos xogos, e xeitos de comunicarse coas persoas de lonxe: traballamos o correo postal, as partes dunha carta, os enderezos, ubicamos no mapa o noso lugar e a onde iamos mandar as cartas; coñecimos á carteira do barrio Rosalía, limos contos relacionados. Coñecimos as partes dunha carta e a  ESCRIBIMOS. Agora esperamos as respostas... 

Coñecimos as idades das nosas transmisoras e ubicámolas na táboa do 100, compoñendo números, contando, comparando....

Xogamos moito, e grazas a Llere, a nosa profe de prácticas, coñecimos o cadro "Xogos Infantís" de Pieter Bruegel. Fixemos unha listaxe dos xogos das nosas avoas e unha guía visual de algún deles. 

Entrevistamos as nosas avoas; xogamos as chapas, petancas, goma, comba, mariola, tres navíos, 4 esquinitas....Elaboramos tabas; aprendimos a xogar en equipo, a compartir e esperar quendas de xogo.

Pechamos o traballo do  trimestre elaborando un títular que resume a esencia do traballado durante o mesmo.

Unha creación artística coas letras como protagonistas para conformar a portada da colección dos xogos que fomos coñecendo grazas as nosas Transmisoras do tempo.

E CELEBRAMOS todo o aprendido cunha saída ao Campo da Chave da  nosa vila.

Pero atención!! Unha última carta está por chegar!

Engrenaxes con impresión manual

No ámbito do Fedelleiro estamos a empregar os lápices de impresión 3D (dotación do programa "Polos Creativos") para imprimir engrenaxes da Máquina do Tempo de xeito manual. 

Comparando os engraxes feitos na impresora 3D cos que fixemos nós, podemos apreciar ás diferencias entre os productos artesanais, feitos á man e os producidos por unha máquina.

TRANSMISORAS NO TEMPO especial 8M

 

Esta mañá a BiblioBN foi testemuña dun encontro interxeracional. Avoas e netas/os, compartiron un faladoiro moi interesante sobre a infancia no pasado. Unha entrevista feita polos máis pequenos onde houbo lembranzas, xogos, música e un autentico legado para non esquecer!

Un 8M adicado á mulleres moi significativas no día a día dos nosos nenos/as.

MOITAS GRAZAS AVOAS

PODEDES DESFRUTAR DA CONVERSA NOS SEGUINTES VÍDEOS

Obradoiro Biblioteca Creativa 26: Olería con Pablo Risco

Hoxe recibimos no noso Espazo Fedelleiro a Pablo Risco, artesán especializado en cerámica.

Ensinounos o proceso de produción de diversas pezas empregando as nosas mans e tamén o torno cerámico, coa técnica que xa dominaban os mestres oleiros en Buño no século XVII.

Obradoiro realizado grazas ao programa Biblioteca Creativa.

#amáquinadotempo: A CORRESPONDENCIA

 Na aula azul estamos descubrindo a correspondecia! 

Eleximos a quen queremos escribir, traballamos os lugares no mapa, o enderezo, o remite e o remitente, o saúdo, a despedida e a sinatura. A carta como tipo de texto, e a aprendizaxe da lectoescritura de xeito significativo.

Tic tac tic tac… A máquina do tempo está a traballar

 Achégase o Entroido e a máquina do tempo, elaborada polo alumnado de 5 anos, está a traballar

Nenas e nenos entran dende o presente buscando chegar ao pasado

Conseguirémolo?

Estade ben atentas e atentos!

POESÍA EXPRES: Tic Tac, Fantasía coas Palabras

 

Venres de EnCurtas: "Outdoors"

PRIMEIRAS TRANSMISORAS NO TEMPO

Xa van chegando as nosas primeiras transmisoras no tempo.

ÁMBITOS DE APRENDIZAXE 2º TRIMESTRE

 Segundo trimestre no ámbito de arte e letras

Experimentamos coas misturas de cores do PANTONE do inverno e facemos unha nova colección, creamos un escenario aprendendo vocabulario en lingua galega sobre a nova estación do ano.

Engadimos a mesa de luz para o xogo de minimundos, onde crear historias en INVERNALIA.

A zona de modelaxe, transformase nun espazo de "escritura" onde trazar con materiais do día a día.

A través do conto "Os mil brancos dos esquimós", collemos destreza coa tesoira para crear con collage os MIL BRANCOS dos esquimós.

A imprenta creada durante o primeiro trimestre, integrase na aula para o seu uso autónomo.

#amaquinadotempo, tamén propón debuxar a tras luz edificios do pasado de Pastoriza : UN HORREO E A CAMPÁ DA IGREXA DE PASTORIZA.

A caixa das cores do PANTONÉ invita a xogar coas tonalidades do inverno, e aprendemos vocabulario asociado ao mesmo.

Segundo trimestre no ámbito de Vida Práctica

Neste ámbito o espazo de xogo simbólico mudou cara unha Clínica Veterinaria, Clínica Barrionovo

Cada doutora ou doctor terá que levar o rexistro do seu paciente e anotar os seus coidados 

Por outra banda reforzaremos con actividades da vida práctica que ademáis requiren de motricidade fina, precisión, atención, conteo…

Na zona de costura traballamos na elaboración dos nosos propios peluches, coma facían os nosos maiores 

Segundo trimestre no ámbito de Arquitectura e Lóxica

A zona dos imanix deu paso ás pezas korbo cun montón de engrenaxes cun sinfín de posibilidades de creación tanto en plano como en altura.

Cambiamos os materiais do espazo de grandes construcións con animais introducindo as pezas gigi, teas, paus e insectos.

Renovamos os crebacabezas e introducimos novas bandexas con diferentes propostas relacionadas coa lóxica, a orientación espacial, a concentración ou a resolución de problemas.

A nova proposta guiada de miniarquitectos consiste na libre creación con cartón e ferramentas makedo. Como punto de partida, estamos iniciándonos no uso do punzón e do desparafusador.

 Segundo trimestre no ámbito do espazo Fedelleiro 

Neste ámbito temos a Caixa Escura na que podemos investigar e experimentar coas luces e sombras a través de diferentes elementos sensoriais.

O recuncho de abalorios onde elaboraremos accesorios traballando a atención, espera, motricidade fina, aproximación a lectoescritura, etc.

A mesa de experimentación con trasvases, precisión, comparación de magnitudes…

E por último o English corner onde poden desfrutar da lectura de contos en Inglés