Este luns, grazas ao programa “Lectura e familias” de bibliotecas escolares de Galicia, puidemos desfrutar do espectáculo “CANTACONTOS” do grupo de teatro Migallas.
E como ben di a súa canción…
CANDO ESTEAS ABURRIDO,
E NON SAIBAS QUE FACER
COLLE UN LIBRO MEU AMIGO
TODO PODE SUCEDER!
O ourizo ten fame. No alto dun Manzano viu unhas mazás vermellas. Están demasiado altas. Non sabe trepar. E o seu estómago roxe. Conseguirá ser máis listo que a fame? Pide axuda ao paxaro, pero é moi egoísta, e cómese as mazás el só. Pide axuda á xirafa, pero próbaas e vaise. Cando chega o elefante, a fame xa lle aguzou o enxeño ao ourizo, e consegue que o elefante lle axude sen darse conta. O estilo das ilustracións de Gustavo Roldán, cun dominio de trazos en vermello e negro, consegue facer desta historia, escrita por el mesmo, un álbum fresco e simpático, que ensinará aos nenos para solucionar os problemas con intelixencia e enxeño.
Aínda que en Barrionovo falamos todos os días da importancia da resolución dos conflictos e da non violencia, hoxe aproveitamos a conmemoración do día da paz para a lectura dramatizada do conto "Un pouco de mal humor" da autora Isabelle Carrier.
Con el aprendemos que basta un pouco de vontade e responsabilidade individual para desfacer os nós que nós mesm@s creamos e ás veces enlean a convivencia.
Para conmemorar o Día das Bibliotecas fixemos un Encontxo na nosa, a biblioBN, con todo o alumnado e visionamos distintas bibliotecas.
Festexamos o día do medioambiente con Anxo Moure, escritor, contacontos e ecopacifista.
Hoxe conmemoramos o Día do libro infantil e xuvenil dramatizando “Alguien se ha tragado a Lola” de Sarah Roberts y editado por Bruño.
Lola é una bolsa de plástico que flota desorientada no mar. Varios animais tentan tragala , pensando que é unha medusa, ata que unha tartaruga o consegue. Lola queda atascada na súa gorxa, e nada asustada ata alcanzar a praia.
Festexamos o Día das Escritoras escoitando o conto "O dedo no nariz" de Paula Merlán todos xuntos na biblioBN.
O xoves día 16 conmemoramos o Día das Letras Galegas con diferentes actividades.
Recibimos na biblioBN a Alma, compañeira de Luísa Villalta, quen saíu do violino para contarnos moitas cousiñas da vida da autora homenaxeada.
Baseámonos no libro "Alma de violino" de Beatriz Maceda e Eli Ríos.
Despois empregamos a nosas palabras favoritas en lingua galega, elixidas na casa coas nosas familias, para completar o mural co skyline da cidade de A Coruña e os seus monumentos máis relevantes.
Por outra banda, nas aulas tamén traballamos con estas palabras para facer creacións poéticas como a que podedes ver no seguinte vídeo.
Para finalizar o día, levamos para casa unha lingua feita coa impresora 3D e un código QR que enlaza á páxina do blogue do EDLG na que se atopa o repositorio de todas as cantigas en lingua galega empregadas nos calendarios deste curso.
http://barrionovofalagalego.blogspot.com/p/barrionovo-canta-en-galego.html
