POESÍA EXPRESS: CALDO DE GLORIA

Hoxe celebramos o día de Rosalía coa poesía "Caldo de Gloria", para honrar a poetisa e novelista Rosalía de Castro. 

A Fundación Rosalía de Castro puxo en marcha a iniciativa "Caldo de Gloria", inspirada no poema "Miña casiña, meu lar", na que a poeta explica como facer un caldo humilde e no que se relata a supervivencia a que se tiña que afrontar acotío.

Así na BiblioBn fixemos tamén un caldo de gloria, cos ingredientes do poema. Logo, nas aulas, rematouse a xornada cun traballo de escritura de palabras significativas.

DÍA DE ROSALÍA 2026

 Este luns de biblio en familia conmemoramos o 189 aniversario do nacemento de Rosalía de Castro. Fixémolo falando da súa biografía e escribindo palabras que nos evocan as nosas casas. Ademais, lemos e comentamos o poema "Miña casiña, meu lar".

Por último, construimos casiñas con palitroques cubertos con teas e creamos uns marcapáxinas ben orixinais.

Venres de EnCurtas: Rosalía

 

Tarde de Biblio: Rosas para Rosalía

Repasamos a vida e obra de Rosalía co libro "Rosalía de Castro. Unha vida feita poema" de Ed. Cumio.

Despois e coa axuda das familias fixemos rosas con papel, gomas e limpiapipas.

As nosas rosas para Rosalía!!!!

Guía de lectura polo Día de Rosalía

 

Guía especial: Rosalía

 

Venres de Encurtas: Día de Rosalía 2024

Encontros BN: Visitamos a casa das ciencias e o planetario

Descubrimos novas cousas do espazo e máis no planetario coñecimos a Estrela Rosalía, e o planeta Río Sar, que orbita ao redor dela

E así o representamos...

Rosalía: Un día con estrela

 

VENRES DE ENCURTAS: ROCKSALÍA

 

Día de Rosalía 2019: #libreOMeuPensamento

Hoxe pechamos a celebración do Día de Rosalía co visionado do video realizado polo equipo de normalización, a partires do traballo do cartel deste ano #libreOMeuPensamento. 
Ver aquí todo o proceso

E máis unha gran sorpresa que apareceu no noso patio despois de regar o poema sensorial da poesía express da semana pasada.

VER MÁIS

Martes Poesía-Express: "Adios ríos, adios fontes" Rosalía de Castro.

Este martes gozamos dunha proposta de poesía express sensorial.

Despois do recreo, a profe Lucía estábanos a agardar na horta da escola. Explicounos que nela aparecera un camiño misterioso que deberíamos percorrer para poder descubrir o poema desta semana, 

"Adios ríos, adiós fontes" de Rosalía de Castro.

Un voluntario, Alexis, foi abrindo o percorrido e recopilando os fragmentos de poesía dispersos polo mesmo. Seguíronlle todos os nenos e nenas aos que lles apeteceu probar a experiencia.

Cando rematamos, recompuxemos o poema e fixámonos en que alguén nos deixara ademais unha nota pendurada da oliveira.

Nela, Shelly, o trasno do monte, pedíanos que investigásemos sobre a autoría do poema, que o plantásemos na terra e que o coidásemos con agarimo. 

Unha sorpresa nos agarda unha vez realicemos esta tarefa, non perdades detalle!

Preparando o Día de Rosalía

#LibreOMeuPensamento_rdc_19

Impresión 3D: Carauta de Rosalía

Como traca final do traballo con Rosalía, imprimimos unha carauta en 3D:

Fotografámonos con ela e pasamos a foto polo filtro Warhol do picmonkey :

E este é o resultado: 

 

Martes Poesía-Express: A Rosalía ( No bico un cantar )

Para rematar este mes no que traballamos a Rosalía, lemos o poema que lle adicou Curros Enríquez:

"Do mar pola orela mireina pasar,

na frente unha estrela no bico un cantar."

Recibimos as nosas estrelas ao tempo que escoitamos a canción de Uxía:

Despois buscamos a Curros no póster do País das Letras:

 

Día de Rosalía de Castro 2018

Celebramos a Rosalía achegándonos a súa vida e obra:

Vemos a curta do IES As Barxas do poema do moucho:

E o croma que gravamos coas familias:

 Do que hoxe levaremos as fotos para a casa:

Despois, localizamos no póster do País das Letras a Rosalía, Manuel Murguía e outro protagonista do calendario deste mes, Eduardo Pondal:

Finalmente gravamos  o segundo "C(r)oma Galeg@s" que ten como protagonistas a Rosalía e Murguía: