Venres de EnCurta: HISTORIA DUN OSO

Lectura e Familias: 25N #NonCales

 Lectura do cartaz de Bea Lema en familia e elaboración dunha pancarta onde, xogando coa pintura invisible, quixemos resaltar a importacia de pedir axuda e non quedar en silencio. 

#NONCALES

Conmemoramos o 25 N sacando a mensaxe oculta na entrada da escola coa participación das familias, e na BiblioBn unha lectura de POESÍA EXOPRESS.

ENCONTXO: Día da Música

 O MAGNETÓFONO DO AVÓ MANUEL

Unha viaxe ao pasado na nosa máquina do tempo para conmemorar o día da música.

Descubrimos e escoitamos música gravada en vinilos, casetes ou CD, e como non no MAGNEFÓFONO do avó de Estefanía.

Ademaís bailamos ao son da armónica, das cunchas e cantamos a nosa canción  A MÁQUINA DO TEMPO.

Venres de EnCurtas: "A máquina de escribir"

 

CUÑAS 3D

Fixemos cuñas coa impresora 3D para replicar a escritura cuneiforme en tabliñas de arxila.

Tardes de Biblio en Familia: O Ourizo

 Este luns con motivo do Magosto desfrutamos dunha poesía en familia de Manuel María, recollida no Álbum “Soños na gaiola”

Despois puidemos ler contos relacionados co outono e máis deixar voar a nosa creatividade coas follas ollando  un libro creativo da nosa BiblioBN

MAGOSTO 2025

Hoxe celebramos o Magosto na escola, onde non faltaron as nosas familias, os xogos de tradición, a degustación de castañas e unha boa fouliada.

Moitas grazas a ANPA pola axuda e colaboración, a Paula, mestra en prácticas polo achegamento a cultura galega, e a todas as familias pola participación no día de hoxe.

 

Venres de EnCurtas: Chegou o magosto

 

Poesía express: O ourizo

 Teatro de sombras para representar o poema “O Ourizo” de Manuel María

EXPER-CIENCIA NAS AULAS

Tralo encontro na Biblio BN para inagurar o mes da ciencia, os tres experimentos empezaron a viaxar polas aulas.

Os nenos e nenas da aula rosa, puideron achegarse un pouco máis as nubes e intentaron simular unhas. Primeiro, cubrimos os botes de auga ata a marca. 

Despois, enchemos de espuma.

E por último, botamos colorante. 

Aquí deixamos o rexistro do proceso.

Na aula laranxa experimentaron co principio de densidade e comprobaron como o ovo flota na auga salgada porque a densidade desta é maior.

NOVEMBRO: MES DA CIENCIA NAS BIBLIOTECAS ESCOLARES

Co motivo da celebración do mes de novembro como o mes da ciencia nas bibliotecas escolares desfrutamos dun EncontXo a partir do libro "Ada nagnífica científica" de Beascoa. A través deste conto rimado coñecemos unha nena con grandes inquedanzas científicas.

A continuación descubrimos tres experimentos recollidos no libro "Experciencia" de Cumio editorial que irán rotando polas aulas durante todo o mes.

Venres de EnCurtas: Mes da ciencia nas bibliotecas escolares

 

AMBIENTES DE APRENDIZAXE II

CONTINUAMOS A ROTAR POLOS AMBIENTES DE APRENDIZAXE.                                     ESTA SEMANA ESTRÉANSE AS NENAS E NENOS  DE 3 ANOS DA AULA ROSA E O SEU AMBIENTE DE APRENDIZAXE "VIDA PRÁCTICA"

-FEDELLEIRO (Espazo Fedelleiro)

-LÓXICA E ARQUITECTURA (Aula laranxa)

-LECTOESCRITURA E ARTE (Aula azul)

-VIDA PRÁCTICA (Aula rosa)

Lecturas para un Samaín de medo

 

Encurta de Samaín

 

BIBLIOTECA ESCOLAR + DESEÑO = VIAXE Á CREATIVIDADE

 Desde bibliotecas escolares lanzan unha proposta creativa a través do deseño que acompaña desde o inicio a comunicación escrita, que é orixe de tipografías, logotipos e páxinas, que consegue achegar a información da maneira máis impactante ou máis sutil.

Por iso no ámbito de aprendizaxe adicado á arte e a lectoescritura acabamos de inaugurar o "ABC lab". Onde experimentaremos cos carteis propostos de diferentes tipografías de letras para despois crear as nosas propias..

Venres de EnCurtas: Argine

 

EncontXo: Os libros non son para os osos

Para conmemorar o Día das Bibliotecas fixemos un Encontxo na nosa, a biblioBN, con todo o alumnado e visionamos distintas bibliotecas.

Tarde de Biblio en familia: Os libros non son para os osos

Na semana da conmemoración do Día das Bibliotecas, lemos un conto que nos fala de que os libros e as bibliotecas son para todas e todos.

"A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS."

Bibliotecas Escolares de Galicia

Despois da lectura proxectamos pequenos espazos lectores para todos os animais empregando materiais non estructurados.

Material de Polos Creativos

Este curso recibimos unha nova entrega do material do Programa "Polos Creativos".

Venres de EnCurtas: Mocca

 

Día das Escritoras 2025

 

Festexamos este día coa representación dun poema de María do Carme Kruckenberg, extraído da escolma realizada polas Bibliotecas Escolares de Galicia para esta conmemoración.