Encontros BN con Silvia Penide

Onde está Otti? Unha pequena historia de como as veces perderse é encontrarse

Silvia regresa con este conto para invitarnos a ver que na perda tamén podemos atoparnos. Unha pequena viaxe emocional que nos conecta coa nosa parte máis vulnerable e humana.

E así o veu presentar a nosa escola, a través da música fumos coñecendo a historia.

Actividade realizada Grazas ao ANPA da escola

Encontro co Apalpador

Hoxe recibimos a visita do Apalpador (Anxo Moure) recén chegado das montañas do Caurel para falarnos desta figura tradicional galega.

Actividade subvencionada pola ANPA.

Moitas grazas!!!!

Día da Diversidade: Concerto Banda de Música "DiversidArte"

Para conmemorar o Día Internacional das Persoas con Discapacidade contamos cun concerto da Banda de Percusión Inclusiva "DiversidArte" por iniciativa da ANPA.

Proxecto da Asociación Poten100mos

Moitas grazas por compartir a vosa arte con nós!

Despedida en familia no Monticaño

Este xoves desfrutamos en familia dunha Xornada no Monticaño

Música, actuacións e comida para festexar o remate deste curso escolar

A música correu a cargo de Pulpiño Viascón, grazas ao ANPA da escola que financiou a actividade 

GRAZAS FAMILIAS POR ESTE DÍA

 

Tardes de Biblio en familia: Obradoiro de adornos de Nadal a cargo da ANPA

ENCONTROS BN: A RCP

Este xoves visitou o Espazo Fedelleiro Miguel Ángel Viqueira Castelo, autor do libro "Manual de Soporte Vital Básico y DESA" da Ed. UNO.

Neste encontro Miguel ensinounos a importancia de chamar ao 112 no caso dunha emerxencia médica e cómo proceder de ter que realizar una Reanimación Cardiopulmonar e facer a Posición Lateral de Seguridade.

 

Moitas grazas Miguel!!!!

Tardes de Biblio en Familia: Obradoiro de Samaín a cargo da ANPA

Encontros BN en familia: Ana Edreira

 Hoxe, para inaugurar o Mes das letras, contamos con Ana Edreira, intérprete da canción “Isto é Pastoriza”, escrita por Pablo Mariño. Os dous familias de alumn@s e exalumn@s da nosa escola.

Pero antes da esperada canción quentamos motores coa profe Lara, a súa música e instrumentos tradicionais.

Despois, xa con Ana cantamos a canción de Pastoriza, que estamos a traballar neste mes das Letras.

MOITÍSIMAS GRAZAS ANA E MARTÍN 

por adicarnos o voso tempo e agasallarnos coa voz e o acompañamento musical

Teatro polo 25N: Lúa quere viaxar a Marte

 Este mércores, grazas a ANPA de BARRIONOVO, visitounos Zeltia, da Xanela do maxín, coa súa obra “Lúa quere viaxar a Marte”

Unha actividade para fomentar a igualdade de oportunidades entre homes e mulleres.

Hai e houbo grandes mulleres científicas, investigadoras e astronautas, que son o referente de Lúa para seguir adiante e enfrontarse aos impedimentos que se lle queren impoñer.

Tardes de biblio en familia: Obradoiros de Samaín

 Este luns desfrutamos doutra tarde en familia, primeiro un clásico…”Corre corre Cabaciña”

E despois, a cargo da Anpa, obradoiros de Samaín

En Nós está a Igualdade!

 Aquí tedes o resultado dun proxecto colaborativo das Anpas de Arteixo no que a nosa escola participou co seu traballo ao redor de contos de igualdade, da nosa biblioteca escolar, a BiblioBN

Podedes ver o resultado neste enlace

Barrionovo quere patio novo

Estamos inmers@s nun proceso participativo de renaturalización do patio da escola, pero isto xa o sabedes porque sodes parte del.

Este cambio é preciso para ser coherentes co noso ideario e a nosa pedagoxía.

Os nenos e nenas son @s protagonistas deste cambio e o resto de axentes participantes (mestras, arquitect@s, familias, administración) somos facilitadoras. O noso cometido é facer que se sintan acompañad@s neste proceso de toma de decisións e empoderamento persoal.

O fin da educación é o desenvolvemento integral do alumnado mais se queremos chegar a adult@s responsables capaces de participar nas esferas de decisión da propia comunidade, debemos promover dende a infancia dita participación, decisión e interese polo común.

Compartimos con moito agarimo o seguinte vídeo onde resumimos a experiencia deste curso que, malia ser atípico, conseguimos pintar de cores e avanzar cara un Barrionovo máis auténtico, máis noso.

Grazas a tod@s @s que o facedes posible cada día.

#Barrionovoquerepationovo

#Barrionovoquerepationovo from biblio BN on Vimeo.

EncontrosBN: "Músicas do Mundo"

Grazas o ANPA de Barrionovo este venres visitáronnos Nuria e Víctor para deleitarnos cos seus instrumentos e percorrer con eles diferentes partes do noso Planeta, nestes tempos no que viaxar tornouse ben complicado.

En quendas, e no exterior, desfrutamos da súa música e máis bailamos ao seu ritmo.

Grazas por este marabilloso concerto que nos fixo viaxar ao redor do mundo!!

E grazas o ANPA de Barrionovo que fixo posible esta visita!

Encontros Bn: Mico Rabuñal

Hoxe visitounos Mico Rabuñal, escultor coruñés que convirte a pedra nun obxecto realista e detallado. Co traballo que realiza consegue crear obxectos sorprendentemente realistas dentro da técnica do Pop Art.

Na súa visita mostrounos as súas ferramentas de traballo así coma a técnica que utiliza a hora de levalos adiante.

O seu traballo pode recordarnos aos canteiros que traballaban na catedral e que estamos a coñecer a través de obras coma as gárgolas

Despois nas aulas ilustramos a súa visita deste marabilloso xeito

Tamén probamos a traballar coma un escultor, realizando as nosas propias obras con pasta de modelar

Grazas pola visita e por compartir o teu magnífico traballo!!

Grazas tamén o ANPA da escola por agasallarnos con esta visita!